खबरज्योति
२९ असोज २०७४, सिन्धुपाल्चोक ।
प्रथम पाँचपोखरी सुपर एट्स क्रिकेट प्रतियोगिताको उपाधी आयोजक समाजतारा युवा क्लबले हात पारेको छ ।
जिल्लामै पहिलो पटक भएको क्रिकेट प्रतियोगिताको शनिबार भएको फाइनल खेलमा मेलम्ची वरियर्सलाई २ विकेटले पराजित गर्दे आयोजकले नै उपाधी माथी बर्चस्व जमाएको हो । प्रतियोगीतामा बिजेता बनेको समाजताराले ३५ हजार नगद सहित शील्ड र मेडल पाएको छ । उपबिजेता बनेको मेलम्चीले २० हजार नगदमा चित्त बुझाएको छ ।
प्रतियोगीतामा मेलम्ची वरियर्सका सुदिप दुलाल बेष्ट बलर, पाँचपोखरी क्रिकेट क्लबका लाक्पा तामाङ बेष्ट ब्याट्सम्यान र टिम बाह्रबिसेका बिजेश श्रेष्ठ म्यान अफ दी सिरिज घोषित भएका छन् ।
टस हारेर ब्याटिङको निम्तो पाएको मेलम्चीले निर्धाति ८ ओभरमा ५ वीकेट गुमाएर ५३ रन मात्रै बनाउन सकेको थियो । ५४ रनको लक्ष्य लिएर जवाफी ब्याटिङमा उत्रेको समाजताराले ७ ओभरमा ५ वीकेट गुमाएर लक्ष्य भेट्टाएको हो ।
यस अधि भएको सेमीफाइनलमा समाजताराले टीम बाह्रबिसेलाई र मेलम्चीले दक्षिणकाली क्रिकेट लायन्स क्लबलाई हराउँदै फाइनलमा पुगेको थियो । अन्तर्राष्ट्रिय पारा ओलम्पीक खेलाडी स्व. जीतबहादुर खड्काको स्मृतिमा आयोजना भएको प्रतियोगीता असोज २६ गतेबाट सुरु भएको थियो ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस