अन्तरजातीय विवाह गर्ने जाेडीलाई नगरपालिकाबाट नगदसहित सम्मान

२०७८ अषाढ १६, बुधबार मा प्रकाशित ४ साल अघि

असार १६, २०७८

चाैतारा : अन्तरजातीय विवाह गर्ने जोडीलाई चौतारा साँगाचोकगढी नगरपािलकाले नगदसहित सम्मान गरेको छ। अन्तरजातीय विवाह गर्ने दुई जाेडीलाई नगरपालिकाले सम्मान गरेकाे हाे।

चौतारा साँगाचोकगढी नगरपालिकाको सहयोग र नगर स्तरीय दलित समन्वय समितिको आयोजनामा दलित, गैह्र दलित तथा दलितसहिद परिवारलाई ५/५ हजार नगदसहित सम्मान गरेको हाे।

नगर प्रमुख अमानसिं तामाङको प्रमुख आतिथ्यता तथा नगर उपप्रमुख जानुका पराजुलीको बिशेष आतिथ्यतामा सम्पन्न भएको कार्यक्रममा २ नवजोडी र ३ दलितसहिद परिवारलाई नगरप्रमुख तामाङले सम्मान गरे।

चौतारा साँगाचोकगढी नगरपालिका छुवाछुत मुक्त नगर यसअघि नै घाेषणा भइसकेकाे छ।