जापानमा बस दुर्घटना: १० नेपाली घाइते ५ को अवस्था गम्भीर

२०७४ आश्विन ९, सोमबार मा प्रकाशित ९ साल अघि

एजेन्सी

९ असोज २०७४, जापान ।

जापानमा आइतबार साँझ भएको बस दुर्घटनामा १० नेपाली घाइते भएका छन् ।

घाइतेमध्ये पाँच जनाको अवस्था गम्भीर छ । उनीहहरुको साइतामा विश्वविद्यालय मेडिकल कलेजमा उपचार भइरहेको छ । आईपीएल कम्पनीको बस खावागोय नजिकैको कामुदामा दुर्घटनामा परेको हो ।

घाइते हुनेमा मीना केसी (रुपन्देही), मीना श्रीश मगर (रुपन्देही), लक्ष्मी चालिसे सुवेदी (बाग्लुङ), रितुरणपाल दर्नाल र कमला नेपाली रहेका छन् । मीना श्रीश मगर बस्न नसक्ने गरी गम्भीर घाइते छिन् ।

दुर्घटनामा घाइते भएका २२ जना मध्ये १० नेपाली र अन्य चिनीयाँ, भियतनामी र फिलिपिन्सी छन् ।