मेलम्ची खोला सडकमा, बाटो अवरुद्ध

२०७९ श्रावण २३, सोमबार मा प्रकाशित ३ साल अघि

साउन २३, २०७९

चाैतारा । सिन्धुपाल्चोकको मेलम्ची नगरपालिका–११, सिमखेतमा सडक अवरुद्ध भएको छ । बहाव बढेर मेलम्ची खोला सडक हुँदै बगेको स्थानीयले बताएका छन् ।

गत वर्ष असार १ गतेको बाढीले सडकमा क्षति पुगेको थियो । त्यस स्थानमा ढुंगासहित तारजाली राखेर सवारी आवागमन सञ्चालन गरिँदै आएको थियो ।

स्थानीयका अनुसार हिजो पनि यहाँ सडक अवरुद्ध भएको थियो । पछि यातायातका साधन सञ्चालनमा आए पनि आज पुनः अवरुद्ध भएको हो ।

अहिले स्काभेटरको सहायतामा अवरोध हटाउने कार्य जारी रहेको स्थानीयले जानकारी दिए ।