जेष्ठ २, २०७९
चाैतारा । भोटेकोशी गाउँपालिकामा कांग्रेसका उम्मेदवार विजयी भएका छन् । अध्यक्षमा कांग्रेसका पासाङनोर्बु लामा २६०५ मत र उपाध्यक्षमा २७१२ मत ल्याएर दिछेन शेर्पा विजयी भएका छन् ।
शेर्पा र लामाका निकटतम प्रतिद्वन्द्वी नेकपा एमालेका अमृत खड्का २०४८ र सुन्तलीमाया श्रेष्ठले २५५३ मत पाएर पराजय बेहोरेका छन् भने माओवादी केन्द्रका राजकुमार पौडेलले १९१८ र आशा गुरुङले १६१२ मत ल्याएका छन् ।
अघिल्लो ०७४ स्थानीय निर्वाचनमा भोटेकोशी गाउँपालिका अध्यक्षमा माओवादी केन्द्रका पौडेल र उपाध्यक्षमा दाबुटी शेर्पाले आधा वडासहित बाजी मारेका थिए ।
यसपटक पुन: त्यही पदमा दोहोरिएका पौडेलले पराजय बेर्होनुपर्यो । अघिल्लो निर्वाचनमा जितेका पौडेल भएकाले यसपटक उनैले जित्ने अनुमान गरिएको थियो । तर, अनपेक्षित रुपमा लामा र शेर्पाले मतमा क्रमश: अग्रपंक्ति लिएर अन्तिममा विजय नै भएका छन् ।
भोटेकोशी गाउँपालिका–१ राजु लामा, २ मा कुमार श्रेष्ठले , ६ मा दावातेम्बा तामाङ कांग्रेसतर्फबाट जितेका छन् । त्यसबाहेक भोटेकोशी गाउँपालिका ३ मा स्वतन्त्र उम्मेदवार निमा सोनु शेर्पा र ४ मा एमालेका टासी शेर्पा विजयी भएका छन् ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस