हिमपातका कारण तातोपानी नाका अवरुद्ध

२०७८ पौष १७, शनिबार मा प्रकाशित ४ साल अघि

पुस १७, २०७८

चौतारा । हिमपातका कारण तातोपानी नाका अवरुद्ध भएको छ। हिमपातका कारण तत्काल कार्गो कन्टेनर पठाउन कठिन भएको जानकारी चिनियाँ पक्षबाट आएको तातोपानी भन्सार कार्यालयले जनाएको छ ।

नेपालतर्फ आउँदै गरेका केही कन्टेनरहरु पनि चीनतर्फको न्यालम र खासामा रोकिएको तातोपानी भन्सार कार्यालय प्रमुख नारद गौतमले बताए ।

हिमपात घटेर मौसम सफा नहुँदासम्म नाका सञ्चालनमा आउन सक्ने अवस्था नरहेको गौतमले बताए । यो नाकाबाट दैनिक १० देखि १२ कन्टेनर माल वस्तु नेपाल भित्रिरहेको थियो ।