कति छन् सिन्धुपाल्चोकमा एमालेको संगठित सदस्य ?

२०७८ कार्तिक २५, बिहिबार मा प्रकाशित ४ साल अघि

कार्तिक २४, २०७८

चौतारा : नेकपा एमाले सिन्धुपाल्चोकले संगठित सदस्यको संख्या सार्वजनिक गरेको छ । आसन्न १० औँ महाधिवेशनको प्रतिनिधि छनोटको लागि एमालेले संगठित सदस्य सार्वजनिक गरेको हो।

सिन्धुपाल्चोकमा १५ हजार २५ जना संगठित सदस्य रहेका छन्। जसमध्ये क्षेत्र नम्बर १ मा ८ हजार १९ र क्षेत्र नम्बर २ मा ७ हजार १ सय ११ गरी सो संख्याको आधारमा महाधिवेशनमा २३ जना प्रतिनिधि जान पाउने भएका छन् ।

क्षेत्र नम्बर १ बाट ८ पुरुष र ४ महिला, क्षेत्र नम्बर २ बाट ८ पुरुष र ३ महिला जान पाउने नेकपा एमाले सिन्धुपाल्चोकले जनाएको छ ।

महाधिवेशन प्रतिनिधिको लागि कात्तिक २५ गते मनोनयन दर्ता गरिने जनाईएको छ । २६ गते सहमतिको प्रयास गरिने र सहमति नभए २७ गते निर्वाचन मार्फत महाधिवेशन प्रतिनिधि छनौट गरिने एमालेले जनाएको हो ।

महाधिवेशन प्रतिनिधि छनोटका लागि निर्वाचन समितिले कार्यतालिका समेत प्रकाशन गरेको छ।