चाैसाँगढी नगरपालिकाले माग्याे सरकारसँग काेराना खाेप किन्ने अनुमति

२०७८ जेष्ठ १३, बिहिबार मा प्रकाशित २ साल अघि

जेठ १३, २०७८

चाैतारा : चौतारा साँगाचोकगढी नगरपालिकाले काेराेना भाइरस विरुद्धको खोप खरिदको लागि सरकारसँग अनुमति माग गरेको छ ।  

नगरपालिकाको बिहीबार बसेको नगर कार्यपालिकाको बैठकले आफैँ खोप किन्ने निर्णय गर्दै सरकारसँग खरिद अनुमति मागेको हो । 

बैठकको निर्णयपछि नगरले बिहीबारै खोप खरिदका लागि अनुमति दिन स्वास्थ्य तथा जनसंख्या मन्त्रालयलाई पत्राचार गरेको छ ।

नगरले मन्त्रालयलाई लेखेको पत्रमा भनिएको छ,
‘सम्भव भएसम्म संघीय सरकारबाटै खोप उपलब्ध गराई पाऊँ । सम्भव नभए खोप खरिदको लागि अनुमति पाउन अनुरोध गरिन्छ।’

नगरभित्रको ५१ हजार जनसंख्यामध्ये ३० हजारलाई खोप दिने दिनुपर्ने पत्रमा उल्लेख छ। ।  

काेराेनाको दोस्रो लहर सुरु भएपछि जिल्लाका १२ स्थानीय तहमध्ये चौतारा सबैभन्दा बढी प्रभावित छ। दोस्रो लहरयता ७ सय ३७ नगरवासी कोरोना संक्रमित भएका छन्। हालसम्म ९४ कोरोनामूक्त भएका छन् भने सातको मृत्यु भइसकेको छ ।